الاثنين، 7 فبراير 2011

كما وعدناكم ...شحن مكيف الكرولا بالصور

على لسان محمود صلاح

السلام عليكم ورحمة الله



إليكم تجربتي في شحن المكيف بتاع الكرولا بتاعتي موديل 93 1600 انجكشن في عمان .



الأعراض : - كان شغال زي الفل وفجأة أصبح بدون تبريد برغم إن الكمبريسور شغال وصوت البساتم داخله موجود ..


توجهت لورشة متخصصة في التكييف ..
اول حاجة حط المقياس في البلف وطلب مني تشغيل العربية والمكيف ووجدنا الؤشر صفر











وبعدين ركب الكباس الخارجي ده عشان ينفخ هواء في المواسير بدل الفريون عشان يكشف ودود تسريب




ونفخ لحد ضغط 400 PSI








وبدأ يكشف بالصابون السائل






واكتشفنا تسريب في أحد الخراطيم من مكان الطرف الحديدي بتاعها ( مش عارف المصطلح الصحيح )



وفكه وخذه على الورشة على الزرجينة وفور الأطراف الحديدية بالمنشار والصاروخ



وجاب جزء من خرطوم امريكي جالاكسي وقطعه





وركب الأطراف الحديدية الجديدة




وكبسها في مكبس مخصوص





وغيرنا الوردات دي بوردات أصلية ( لازم الأصلية وإلا هتسرب فريون تاني من كلام زباين جنبي )







تركيب الخرطوم





ونفخ هواء تاني وفضل يجرب بالصابون تاني

وبعدين الفريون ونلاحظ انه بيطلب تشغيل العربية والمكيف أثناء الشحن
وده فريون سنغافوري المتاح وقتها وبيظبطه على 30 PSI تقريباً








وبعدين ضبط التيرموستات الاوتوماتيكية من التابلوه لأننا لا حظنا ان المكيف ما بيفصلش فوطيناها






وفي النهاية


الحساب




بيجو 308 2012 الجديده ...هل من منافس؟

كشفت شركة بيجو الفرنسية عن نسختها المحسنة من الهاتش باك الأيقونية 308 لتعود بحلة جديده لتنافس كطراز لعام 2012 ، 308 الجديدة نالت مجموعه من التقنيات الهندسية والتكنولوجية تساهم فى رفع تنافسية الفرنسية الرشيقة فى مواجهة عتاه أمثال فولكس فاجن جولف وفورد فوكاس وأخرين من سادة تلك الفئة .

بالطبع لم تكن هناك أى مشكلة لدى مصممى بيجو فى إظهار سيارتهم بمستوى منفرد من الأناقة والعصرية ، لكن فى النسخة الجديدة وبرغم إنها تمتلك بقوة جينات النسخة الماضية إلا إنها رائعة بكل معنى للكلمة ، التصميم الأكثر عدوانية للمصابيح والهيئة الجديدة للمصد وغطاء المحرك مع مصابيح الضباب الجديدة يأخذ تلك السيارة إلى مكانة خاصة بها وحدها ، وكما هو الحال فى التصميم لم تكن تعانى بيجو من اى نقص فى جودة الركوب أو مستوى التجهيزات والخامات المستخدمة ، ولكن هذا لم يمنع بيجو من تحسين مستوى الخامات فى مقصورة السيارة التى حافظت على المعالم الأساسية من لماساتها التصميمة .

وبوضع الإقتصادية والعملية فى مقدمة أهداف بيجو 308 2012 الجديدة تمكن مهندسى بيجو من تخفيض وزن السيارة بما يقارب 25 كجم مع إعتماد إطارات مقاومة للإحتكاك مما يزيد من تقليل معدل السحب وبالتالى خفض معدل إستهلاك الوقود بالتوازى مع تقليل معدل الضوضاء .

وستظل بيجو 308 معتمدة على نفس صف المحركات الذى يتكون من مجموعه عملية من محركات البنزين والديزل بالإضافة إلى نسخة هجينة معتمده على التكنولوجيا الهجينة الميكروسكوبية والتى تقلل مستوى الإبعاثات إلى أقل من 92 جرام لكل كيلو متر مما يساعد على تسجيل السيارة مجاناً فى الدول الأوروبية وهى السوق المستهدف من تلك النسخ النظيفة إن صح تعبيرى .

ومن المقرر لبيجو 308 الجديدة أن تطرح للتسويق التجارى في جميع أنحاء أوروبا بعد وقت قصير من العرض العالمي الأول لها في معرض جنيف للسيارات 2011.

اختبارات الامان والتصادم السيارات الكورية تعتلي القمة

أعد برنامج تقييم السيارات الأوروبية الجديدة المسمى اختصارا بـ « NCAP » قائمة بالسيارات الأكثر امانا فى كل فئة لعام 2010 ، ومن المعروف ان هذا البرنامج الاوروبى بدأ عمله فى عام 1997 فى بريطانيا و سرعان ما اصبح معتمدا فى كافة انحاء اوروبا وكل عام تصدر الهيئة المسئولة قائمة تضم أفضل و أسوأ سيارات فى كل عام بعد سلسلة من إختبارات التصادم و الأمان المختلفة .

وفى أوائل عام 2009 قررت الهيئة تطبيق قواعد أكثر صرامة وصعوبة للحصول على تصنيف الخمس نجوم وهى القواعد المعتمدة منذ هذا الحين وحتى اللحظة ، ومؤخراً أصدر المركز قائمة الأفضل والأسواء فى عام 2010 والتى شهدت صعوداً واضحاً للسيارات الكورية التى تشهد هذا العام نهضة تجارية غير مسبوقة ، وبرغم التطور لازالت السيارات الصينية تتزيل القائمة وإن زادت محاولاتها لرفع عوامل الأمان فى سيارتها ودخول السوق الأوروبى بصورة أكبر ، وتلك هى السيارات اللتى حصلت على تصنيف الخمس نجوم وحققت أعلى درجات الأمان فى كل فئة لعام 2010 :

  • فئة السيدان : بى ام دبليو الفئة الخامسة ( ***** )
  • فئة السيارات العائلية الصغيرة : الفا روميو جوليتا ( *****)
  • فئة السيارات الصغيرة : هوندا سى ار زد (*****)
  • فئة السيارات النفعية متعددة المهام SUV : كيا سبورتاج (*****)
  • فئة السيارات المتعددة الوظائف MPV : تويوتا فيرسو (*****)

وضمت الهيئة الى تلك القائمة مجموعة من السيارات اللتى حققت معدلات عالية من الامان لتجاوزهم نسبة ال 80 % مثل :

  1. سوزوكى سويفت الجديدة
  2. كيا فينجا
  3. بى ام دبليو اكس 1
  4. فولكس فاجن شاران
  5. ستروين سى 4

وعلى النقيض تماما .. أسوأ السيارات فى معدلات الامان لعام 2010

  1. نيمو ستروين ( *** )
  2. لاندويند سى فى 9 الصينية (**)

وتعليقاً على النتائج قال الأمين العام للهيئة « عاما بعد عام تعمل شركات السيارات بإستمرار على جعل سياراتهم أفضل و أكثر أمانا للسائق مهما كان حجم تلك السيارات » ووجود اى سيارة فى قائمة أكثر السيارات أماناً لا يعود بالنفع على هذا الطراز منفرداً بل يعود بالنفع على كافة الطرازات الأخرى و للشركة المصنعة .


لتحميل النتائج كاملة

اضغط هنا

طريقة عمل التكيييف ووظيفة اجزاؤه المختلفة


على لسان سبعاوي

كذ مرة فكرت انى اقدم مقالة عن فكرة عمل تكييف السيارة وترددت، لأن فكرة عمل المبردات والمكيفات عموما مش سهلة اوى وتحتاج الى خلفية اكاديمية، لكن انا قررت اتوكل على الله واحاول ابسطها على قد ما اقدر، والله المستعان

تكييف السيارة مثله مثل أى تكييف آخر وكذلك اى ثلاجة مبنى على فكرة تسمى المضخة الحرارية وهى كلمة مجازية تستخدم للتعبير عن وظيفة المكيف ، فكما ان مضحة المياه (موتور المية بتاع العمارات)تسحب المياه من ناحية من ناحيتى المضخة الى ناحيتها الأخرى فإن ما نسميه المضخة الحرارية يقوم بسحب الحرارة من داخل الحيز المطلوب تبريده(سواء كان صالون السيارة او غرفة مكيفة او كابينة الثلاجة) ليلقى بالحرارة فى الجهة الاخرى من المضخة الحرارية

تقوم فكرة عمل المضخة الحرارية على مجموعة من الظواهر الفيزيائية البسيطة جدا :

الأولى هى ان كل سائل لكى يتبخر يقوم بسحب كمية كبيرة من الطاقة من الوسط المحيط ويقوم بإعادتها للوسط المحيط إذا تكاثف(عكس التبخر) مرة أخرى.فى هذا الصدد سندهش اذا عرفنا انه إذا وضعنا مثلا إناء من الماء على البوتاجاز وبدأنا تسخينه فإنه سيستهلك كمية معينة من طاقة الغاز الطبيعى حتى يصل لدرجة 100 درجة ويبدأ الغليان واذا تركناه ليغلى فسيحتاج الى حوالى خمسة اضعاف طاقة الغاز السالف ذكرها(اى ما يمكن ترجمته لمفهومنا الحسى بخمسة اضعاف الوقت على النار) حتى تتبخر آخر نقطه منه، دون ان تزيد درجة حرارة الماء اثناء الغليان درجة مئوية واحدة عن الرقم 100

الظاهرة الثانية هى ان السوائل المختلفة تتبخر وتتكاثف فى درجات حرارة تختلف باختلاف ضغط السائل، يعنى كل ما الضغط بيعلى كل ما درجة حرارة التبخر (اللى هى نفسها درجة حرارة التكاثف ) بتزيد، فمثلا لو عندنا ماء فهو يغلى ويتبخر عند درجة 100 مئوية، ولكن لو وضع فى إناء وزودنا الضغط عليه فسبيقى سائلا حتى درجة حرارة فوق 100(نشاهد هذة الظاهرة فى حالة سخونة محرك السيارة، ترتفع درجة حرارة الماء فوق 100 درجة ولا يتبخر، لأنه يتبخر منه جزء بسيط جدا يسبب ارتفاع الضغط على باقى الماء فبيقى سائلا، ولكن لو فتحنا غطاء الردياتير وعرضنا الماء للضغط الجوى فسنجد ان الماء يتبخر لحظيا مسببا اندفاع البخار بالشكل الذى نراه فى مثل هذة الحالات، مثال آخر، غاز البوتاجاز الذى يكون فى حالة غازية(بخارية) فى درجة حرارة الغرفة وفى الضغط الجوى، يصل إلينا فى الأنابيب او مواسير الغاز فى حالة سائلة لأنه ضغطه مرتفع ، وبمجرد تعرضه للضغط الجوى يتحول الى غاز

الظاهرة الثالثة هى ان السائل اذا سخن لدرجه حرارة التبخر لا يبدأ فى التبخر الا اذا كان الوسط اللى حواليه اكثر سخونة منه حتى يستطيع سحب الطاقة اللازمة للتبخر من الوسط المحيط، والعكس ان البخار اذا انخفضت حرارته الى درجة حرارة التكاثف فإنه لا يتكاثف إلا اذا كان الوسط الذى حوله ابرد منه حتى يستطيع التخلى عن الطاقة المطروده مع التكاثف الى الوسط المحيط

اما الظاهرة الرابعة فهى ان اى بخار او غاز اذا زودنا عليه الضعط فإن حرارته تزيد متناسبة مع الضغط والعكس بالعكس فيما يعرف باسم القانون العام للغازات

من خلال الكام ظاهرة دول نقدر نقول التكييف بيشتغل إزاى، احنا ببساطة لو نجحنا اننا نخلى سائل ما يتبخر فى درجة حرارة منخفضة فى مكان ما، ويتكثف فى درجة حرارة مرتفعة فى مكان تانى يبقى السائل ده هياخد الطاقة اللازمة للتبخر من المكان الأول مسببا ان المكان الأول ده يبرد، ويرمى هذة الطاقة فى المكان التانى مسببا ان المكان ده يسخن ويبقى كدة سحبنا الحرارة من المكان الأول الى المكان التانى او بمعنى اوقع بردنا المكان الأول وهو المطلوب من جهاز التكييف

طيب إزاى نعمل الكلام ده:

نجيب سائل، نخفض ضغطه الى ضغط منخفض جدا يسمح له بالتبخر فى درجة حرارة منخفضة قد تصل الى صفر مئوية ، نمرره فى مكان يسمح له بسحب كمية الحرارة اللازمة للتبخر، بعد ما يتبخر ويتحول الى غاز(كلمة غاز التى سأستعملها فى باقى المقالة تعنى الغاز المستخدم فى التكييف والذى سنسميه فريون لاحقا) ، ندخله فى كباس، يضغطه الى ضغط عالى يسمح له انه يتكثف( يعود الى الشكل السائل) فى درجة حرارة عالية تصل الى 60 او 70 درجة متخلصا من كمية الحرارة اللى سحبها من المكان الأول، وبعد مايتكثف و يرجع لسائل نروح معديينه من فتحة ضيقة جدا علشان نقلل ضغطه الى الضغط الذى يسمح له بالتبخر فى درجة الصفر ونعيد الدورة، وكلما قام السائل بدورة كاملة سحب كمية من الحرارة من المكان الأول وتخلص منها فى المكان الثانى

طيب تعالوا نحط اسماء لاجزاء الدورة دى علشان نعرف التكييف مكون من إيه،

نبتدى من بعد ما السائل تحول الى بخار وعايزين نضغطه، الآلة اللى بتضغط البخار هى الكباس compressor وده اغلى جزء فى دورة التكييف وهو الآلة الوحيدة اللى بتدور فى دورة التكييف وهو الذى الى جانب انه بيضغط الغاز بيحرك الغاز فى الدورة كلها، الكباس مكانه فى غرفة المحرك وعادة يكون بجوار الدينامو وطرمبة مياه المحرك و هو عبارة عن مكبس(بستم) زى بتاع محرك العربية بالظبط، يسحب الغاز من صباب ويخرجه من صباب تانى، ومتوصل على كرنك صغير، بيدور بواسطة طنبورة متركب عليها سير بتاخد حركتها من موتور السيارة، اللى بيخلى التكييف يشتغل او يبطل هو كلاتش(دبرياش) كهربائى صغير بين طنبورة الكباس وكرنك الكباس، لما بندوس على زرار التكييف فى العربية الكلاتش ده بيعشق ويخلى الكرنك الصغيرد ه يلف والكباس يشتغل، لكن لما بنفصل التكييف الكلاتش بيفصل وطنبورة التكييف بتلف على الفاضى

احنا لما بنضغط الغاز بالكباس حرارتة وضغطه بيزيدوا، وكدة بيكون قابل للتكثف فى درجة حرارة مرتفعة، فى هذة الحالة بنعرضه للمكان اللى هيتكاثف فيه، والمكان ده بنسميه مبادل حرارى او بالبلدى سربنتينة، ودى بتكون فى مقدمة السيارة، الغاز فى هذة المرحلة يكون درجة حرارته 60 الى 70 ، يعنى اكثر من درجة حرارة الجو، ويقبل التكثف فى درجة حرارة من 40 ل 50 درجة نتيجة لضغطه المرتفع، وبمروره فى السربنتينة بياخد وقت وفرصة كافية انه يبرد ويتكاثف ، السربنتينة تكون مزودة بمروحة لتحريك الهواء بين مواسير السربنتينة لتساعد على تبريد اكثر لجسم السربنتينة وبالتالى للغاز المار بداخلها

بعد كدة الغاز-الذى صار حاليا سائل- بنمرره فى فلتر لنتقية اى شوائب منه، ثم نمرره من الفتحة الضيقة علشان نقلل ضغطة-وبالتالى حرارته-الفتحة الضيقة دى بنسميها صمام التمددexpansion valve وهى القطعة التى يسميها صنايعية التكييف: إكسبانشان ، بعد مرور السائل فى الإكسبنشان يكون ضغطه وحرارته منخفضين جدا، وبعد كدة نمرره فى سربننتينة اخرى هى التى تكون موجودة داخل صالون السيارة داخل تابلوه السيارة ونسميها كويلcoil، وعادة يأتى الإكسبانشان والكويل كقطعة واحدة، كما ان الكويل يكون مزود بمروحة متعددة السرعات تقوم بتمرير الهواء على الكويل ليبرد الهواء نتيجة لفقده الحرارة اللازمة لتبخر السائل بداخل الكويل ومن ثم يندفع هذا الهواء البارد عبر فتحات التهوية الى صالون السيارة ليبرده ويعود السائل، الذى تحول حاليا الى بخار الى الكباس وهكذا

نأتى بعد ذلك لسائل التكييف:

اهم مواصفات سائل التكييف ان يكون قابل للتبخر والتكاثف فى درجات حرارة تتراوح بين صفر و +60 درجة تحت ضغوط يمكن الوصول لها بسهولة( ملحوظة : تختلف هذة المواصفات عن مواصفات سوائل الثلاجات التى نحتاج منها درجات تبخر تتراوح بين -20 و +40 درجة وذلك حتى يمكن الوصول لدرجات تحت الصفر فى الثلاجات)
تاريخيا بدأ التكييف باستعمال النشادر ولكنه كان قليل الكفاءة، ثم استخدم الغاز الطبيعى، ولكنه كان يهدد بكوارث فى حالة تسربه، وفى الخمسينات من القرن الماضى بدأ استخدام الكلوروفلوروكاربونز (ألفريونات) ومنها فريون 12 وفريون 14 (تكييف) وفريون 22(ثلاجات) وحديثا بدأ احلال الكلوروفلوروكاربونز بأنواع اخرى من الفريون اقل إضرارا بالبيئةمثل الفريون 112 والفريون 114

اجزاء مساعدة فى دورة تكييف السيارة:

1- الخراطيم: وهى التى تربط اجزاء دوره التكييف المختلفة ببعضها وتكون من نوعية تتحمل الضغوط العالية

2- الثرموستات: وظيفته تشغيل وايقاف الكباس فى حالة الوصول لدرجة الحرارة المطلوبة، ومنه نوعين، نوع يعمل على الهواء الخارج من الكويل، ونوع آخر يعمل على حرارة الفريون(نوع واحد فقط يكون موجودا فى تكييف السيارة الواحدة)

3- منظومة التحكم الكهربائى، وتتكون من ازرار التشغيل ومنظومة لربط الكباس بمروحة الكويل حتى لا يعمل الكباس بدون عمل مروحة الكويل حتى لا يتكون ثلج على الكويل، ومنظومة لترتيب تشغيل مروحة الردياتير ومروحة السربنيتة مع مروحة الكباس

4- نظام تجميع وطرد مياه التكاثف: حينما يخرج الهواء البارد من الكويل فإنه يبخر العرق من راكبى السيارة ويحمله فى صورة رطوبة، عندما يعود الهواء المحمل بهذة الرطوبة ليمر من خلال الكويل من جديد فإن الرطوبة الموجودة بالهواء تتكثف فى شكل قطرات مياه على الكويل تتجمع فى شكل كمية كبيرة من المياه فى قاع علبة الكويل، هنا لابد ان يكون هناك خرطوم يسرب هذة المياه الى خارج السيارة

5- مفتاح الضغط، يقوم هذا المفتاح بمنع الكهرباء عن الدائرة اذا قل ضغط الفريون الخارج من الفلتر عن حد معين بسبب انسداد الفلتر وذلك لحماية التكييف

6- رافع سرعة السلانسيه(للسيارات ذات الكاربراتير فقط) ، عند تشغيل التكييف يقوم بالتحميل على المحرك فبيطئ سرعة السلانسيه، تقوم هذة الوحدة بإجبار الكاربراتير على دفع كمية اضافية من البنزين للمحرك فى السلانسيه عند تشغيل التكييف حتى يعادل حمل التكييف

ارجو ان اكون قد تمكنت من ايضاح هذا الموضوع الذى شكل لى تحدى حقيقى لتبسيطه، ولو فيه اى اسئلة انا تحت امركم

اغلب ما تحتاجه من محلات لقطع غيار البروتون




1/ محل أشرف منصور - الجيزه 13 شارع المحطه .

ت : 0124893100 / 37740354


-----


2/ شركة أمير وجوزيف فرعين :

- التوفيقيه الشارع اللى أمام بنزينة موبيل .

ت : 0127445171 / 25748175

- مدينة نصر - 43 شارع أبو داود الظاهرى من مكرم عبيد

ت : 0123104323 / 22721412


-----


3/ الدوليه موتورز - بمدينة نصر - 75 ش الخليفة الظافر متفرع من مصطفى النحاس

(الشارع اللى جنب محل أشرفكو بتاع الجنوط بالحى السابع) .


ت : 0123724108 / 24019701


-----


4/ محل أولاد علام : 6 عمارات الأوقاف - أرض اللواء - المهندسين

ت : 0101656394 / 0123379040


-----


5/ محل المدينه : مصر الجديده - شارع دمشق أمام بنزينة التعاون

ت : 0101809819 / 4526771


-----


6/ محل الراعى : بالحرفيين لقطع الغيار(جديد - مستعمل)


ت : تامر سمير 0106013142 -&- ت : مايكل اسحق 0106923023


-----


7/ نيو مستر : بالحرفيين - شارع الدكتور أحمد ممدوح - أمام بلوك 8

ت : 26972909 - 0120802626 - 0120802300 - 0101458439


-----

8/ محل مكه : مصر الجديده - 21 شارع دمشق

ت : 24502585

أشرف / 0101746478 -&- أيمن / 0122642869


-----

9/ الوليد : الحرفيين - شارع د.أحمد ممدوح - أمام بلوك 8

ت : 26639831 / 0101619144 / 0106790127


-----


10/ هانى النادى لقطع غيار السيارات اليابانيه والكوريه - 5 امتداد السادات - الحرفيين - أمام بلوك (h)

ت : 26634202 / 0166992045


-----

11/ محل (النادى جروب ) المحل عليه علامة بروتون ولكن مسألتوش عنده أه : الحرفيين - شارع مرسيدس

ت : 0106866772 / 0106851087

-----

12/ محل الحسن لقطع الغيار (اليابانى والكورى) : 48 شارع -77 بالمعادى-
(بجوار مركز شباب المعادى - وبجوار مستشفى الريان - أمام نادى المعادى)

ت : 0123104040

-----

13/ عطيه البيبس : وهو قريب من الساعه - فيكتوريا - الاسكنـدريــه

ت : 0101598381 - 0121826318 - 0187310695

محلات-قطع غيار-سيارات -بروتون -موديل-سيارات -اسعار قطع غيار

تخريب في لمركز بي إمن في الإسكندية..مصحوب بالصور

السلام عليكم ورحمه الله وبركاته

طبعا بعد الاحداث إلى حصلت فى مصر و محدش عارف مصر رايحه على فين بالمنظر ده حاجه حصلت هتضايق اعضاء القسم ده من المنتدى و هى اعمل النهب والسرقه والتدمير إلى حصلت لمركز بى ام دبليو فى الاسكندريه و دى بعض الصور إلى بتوضح اعمل التخريب البشعه إلى حصلت هناك


ملحوظه : حقوق الصور محفوظه للى صورها و اسمه محمد علاء


















ربنا يكون فى عون أصحاب العربيات دى والتوكيل و شركات التأمين

حماية الاجهزه الكهربائية في سيارتك..افضل حماية للاجهزه الكهرائية في سيارتك

على لسان كيكو

السلام عليكم
مشكلة نقع فيها كثيرا الا وهى اشتعال الضفيرة او فيوز ضرب او انارة ضعيفة من اللمبات وخلافه ولعلاج هذه المشكلة يجب معرفة الاتى :

الحمل الذى يتطلبه ذلك الجزء سواء كان لمبة او كاسيت او كلاكس او مارش الخ عن طريق :
-الامبير فى تلك الدائرة
-مقاس السلك او الكابل الملائم لتحمل ذلك الجزء
-الفيوز الملائم لها

نبدا بالامبير : تتعدد الطرق والقوانين لحساب الامبير ولكن ابسطها وان لم يكن ادقها (بالبلدى) اقسم الوات على الفولت (الوات ÷ الفولت)
مثلا لديك فى المنزل لمبة 100 وات (100 وات ÷ 220فولت= 0.5امبير)
لديك فى السيارة لمبة 100 وات (100وات ÷ 12فولت =8.3 )
من هنا نلاحظ الفرق الشاسع بين الاستخدام المنزلى واستخدام السيارة بسبب فرق الفولت فالكابل الذى تحتاجه لتشغيل لمبة بالسيارة من الممكن ان يشغل بيتا كاملا

بالنسبة لمقاس السلك يتم تحديده بوحدة المليمتر المربع (مساحة المقطع ) ويتحدد مقلس السلك عن طريق الامبير اى نحدد الامبير ثم يتم تحديد المقاس الملائم له
وابسط طريقة لمعرفة السلك الملائم هى قسمة الامبير على 5 وان كان يفضل اخذ المقاييس عن طريق جداول مختصة
وهذا جدول باشهر المقاسات من الاسلاك والحمل الاقصى لها
1مم 6 امبير
1.5مم 10 امبير
2ممم 16 امبير
3مم 20امبير
4مم 25امبير
6مم 32امبير
10 50امبير
16مم 80 امبير
25مم 125 امبير
ومعى ذلك يتم اختيار الفيوز الملائم لمقاس السلك المستخدم بحيث ان يكون امبير الفيوز يساوى او يقل عن الحمل الاقصى للكابل وهذا لضمان ان يفصل الفيوز بدلا من اشتعال الكابل

ملاحظات :
- هذه المعايير بدون وجود كتاوت وفى حالة وجود كتاوت لها تاثيرها
- فى حالة السماعات اغلب الانواع غير الاصلية يكون الوات غير صحيح فتجد نوعا رديئا مكتوب عليه 300وات وهو لايتعدى 30 وات فى حين نوع اصلى مكتوب عليه 60 وات وهو فعلا 60 وات (حتى لا تكلف كثيرا فى تحميل كابل لسماعة بدون احتياج)
- يوجد انواع مقلده من الاسلاك لذلك يراعى الشراء من محل محترم سواء قطع غيار او ادوات كهربائية كى يكون المقاس مطابق (قوله عايز سلك معتمد)

توفير البنزين..افضل طرق توفير البنزين

على لسان yarisawy
السلام عليكم ,

اكيد كلنا عايزين نوفر فى البنزين بالذات مع ارتفاع اسعاره المستمر , طبعا كتير مننا عارف طرق كثيره لتوفير البنزين , بس كتير مايعرفش طرق Hypermilers واصحاب هذه الطرق هم ناس هدفهم ان يقطعوا بالعربيه اطول مسافه لكل لتر بنزين ومرجعهم الاساسى هوارقام منظمة EPA وهى ارقام تقريبية لمتوسط استهلاك كل سيارة, وكانت بداية ظهورهم على موقع Clean MPG بهدف توفير البنزين والاقلال من العوادم , ولكن فى الحقيقة اول من ظهر من Hypermiler كان فى الحرب العالميه الثانيه اثناء ازمة الوقود سنة 1970


اود ان اذكر ان كل هذه الاساليب اختياريه ومن الممكن ان تنفع مع ناس وناس لأ , فكل واحد له طريقته الخاصه
ولكن عند التطبيق الصحيح فمن الممكن ان يصل معدل التوفير الى 25 % او اكثر .انا ابتديت اعمل كده ولقيت تحسن ملحوظ اوى ساكتب عنه لاحقا ان شاء الله

ويمكنكم جميعا التسجيل فى موقع Clean MPG وسيعطيك معدل استهلاكك اول بأول ويعطيك صورة تبين استهلاكك للبنزين وهو ده شكلها




سوف اتناول 3 انواع من الاساليب

1- الاساليب الأولية
2- الاساليب المتقدمة , ودى اساليب للمحترفين فى القيادة وليس المبتدئين
3- اساليب جنونية وانا لا انصح بها ولكنى وضعتها فقط للعلم


الاساليب الأولية :

1- فى التأنى السلامة , ليس فى التأنى السلامة فقط ولكن توفير فى استهلاك البنزين ,فعندما تزيد السرعه عن 96 كم/س يزيد استهلاك النزين بمعدل كبير , فتقريبا كل زياده 10 كيلو عن هذا المعدل يزيد استهلاك البنزين بمعدل 10% ايضا .


2- لا تفرمل بشدة ولا تبدأ المشى بسرعة , فالتحرك السريع او الوقوف المفاجىء يستهلك بنزين بشراهه , فاحرص على ان تبدأ التحرك ببطىء وبسلاسه , واحرص ايضا ترك مسافه بينك وبين السيارات الاخرى لتجنب الوقوف المفاجىء, فالفرمله والتحرك العنيف يزيد من استهلاك الوقود بمعدل قد يصل ال 30% "فى الطرق سريعه" 5% "داخل المدينه"


3- لا تجعل العربيه دائرة عند الوقوف, اذا كنت ستتوقف اكثر من 7 ثوان فمن الافضل فصل العربيه , لان إدارة المحرك يأخذ من الوقود ما يعادل من الوقوف 7 ثوانى " فى العربيات الحديثه فقط ذات نظام الحقن الوقودى".


4- تجنب الرحلات القصيرة, بما أن موتور العربيه لا يعمل بكفاءة اذا كانت العربيه بارده ويستهلك بنزين اكثر فحاول التقليل من المشاوير القصيرة وممكن ان تتمشى "رياضه برده" او دمج عده مشاوير فى مشوار واحد والذهاب للمشوار الابعد فالأقرب.


5- قم بإزالة اى وزن زائد , لانه كل ما العربيه فيها وزن اكثر كل ما هاتبذل مجهود اكتر كل ما تستهلك بنزين اكثر , فحاول تشيل اى حاجة ليس لها فائدة وتكون بتوزن فى نفس الوقت


6- قلل من استخدام التكييف , فمن المعروف ان التكييف يزيد من استهلاك الوقود بنسبه من 10% الى 30% , ولكن فى حالات السفر ممكن تشغيله بدلا من فتح زجاج السيارة , لان فتح الزجاج يزيد من استهلاك البنزين فى حاله السير بسرعة .


7- لا تقف لتسخين السيارة , للسيارات الجديدة فقط لا تسخن السيارة اكثر من 30 ثانيه "يوجد بها تسخين اوتوماتيكى" ويفضل بالطبع الرجوع لمانيوال العربيه اولا.


8- حافظ على ضغط الإطارات , بالرجوع لمانيوال العربيه شوف ضغط الإطارات وضبطه ذى ما مكتوب بالضبط كل شهر بصورة دورية , ومن الممكن نفخ الإطارات نيتروجين فهو يحافظ على الضغط لمده اطول "تقريبا 6 شهور"


9- تجنب الطرق الغير ممهده , طبعا ده صعب عندنا بس حاول تمشى فى شوارع مسفلته ونظيفه.

10- حافظ على السيارة فى افضل حالة , عمل الصيانه الدورية للسيارة "تغيير فلتر الزيت , سلامة الموتور ,حساس الاكسجين ,ضبط زوايا..."


11- ضع البنزين ذو رقم الاوكتين الموصى به من الشركة الصانعه , فلا تضع بنزين أعلى من الموصى به فكثيرا من الناس لم يفرق معهم فى الإستهلاك او الفرق كان ضئيل مقارنه بفرق السعر .

12- قم بملىء البنزين من المحطات ذات السمعه الطيبه , او ممكن تجرب كذا بنزينه وتشوف احسن محطه ولا تقوم بالغش فى البنزين


13- قم بتثبيت سرعتك بقدر الإمكان Cruise Control, مع عدم زياده السرعه عن 96كيلو



اساليب متقدمة :

1- اتبع تقنيه "التزحلق مع التعشيق" ICE-ON coasting , فعندما تمشى بسرعه فوق الـ 30 والـ RPM فوق 1500 "الارقام تختلف من سيارة لأخرى" و تشيل رجلك من على البنزين والعربيه متعشقه "يعنى الفتيس مش متمور" ومش ضاغط دبرياج يعنى فيه Engine Braking , هنا العربية بتمشى من غير ولا نقطة بنزين خالص ...ايوا ولا نقطة بنزيين ... وده فى كثير من العربيات الجديدة ومنها طبعا الياريس ولكن ليس فى العربيات القديمة .


2- طريقة "التزحلق مع التموير" Nice-On Coasting وهى عبارة عن ترك السيارة تسير والفتيس فى وضع التموير وعدم الضغط على البنزين او الدبرياج فهنا استهلاك البنزين يكون قليل جدا جدا وهنا السيارة ستكون اكثر خفه وستقطع مسافه اكبر مقارنة بالاسلوب السابق


3- نظام اضغط واتزحلق Pulse & Glide وطريقته لما تكون ماشى فى طريق وهاتمشى على سرعه 80 مثلا فتروح ضاغط على البنزين الى ان تصل للسرعه المراده وطبعا الضغط يكون بهدوء "كده نظام الضغط" ثم ترك النزين خالص الى ان تصل لسرعه 60 "كده نظام تزحلق مع تعشيق" , فلو عملت كده يبقى نص الطريق انت مشيته من غير ولا نقطه بنزين يعنى هاتمشى الضعف وللعلم النظام ده هايوفر اكثر من تثبيت السرعه.

4- تثبيت الرجل على بدال البنزينDriving With Load , الطريقه دى مفيده عند صعود كوبرى فبدلا من الضغط زياده عند الصعود للحصول على نفس السرعه واستهلاك اكثر للبنزين قم بتبيت رجلك فقط على نفس المستوى ستلاحظ بالطبع ان السرعه ستقل ولكنها ستعود ثانيه بمجرد الصعود


5- إركن السيارة بحيث يكون وشها للخارجFace-Out Parking , عشان لما تطلع بالعربيه تطلع على طول "لتقوم بتسخين العربيه وانت ماشى" دون الحاجة للرجوع للخلف والضغط على الفرامل لان االسياره وهى بارده تستهلك بنزين اكثر .

6- لا تستخدم مضخم الصوت Amplifier , او اى اجهزة اضافيه غير الكاسيت لانها تستهلك كهرباء اكثر لان الجهاز بيحمل على موتور العربيه وبالتالى تستهلك بنزين اكتر


7- إركن فى مكان عال Potential Parking , لتقوم بالتحزلق عند بداية المشى بالسياره طبعا والعربيه شغاله.

8- اشتر سيارة موفرة فى البنزين , اذا كنت ستقوم بشراء سيارة قريبا فاحرص على السيارات الموفرة , فلا داعى للسيارات ذات القوة الكبيرة اذا كنت تريد سيارة عائلية ستنقلك انت واسرتك


9- استخدم جهاز مراقبة استهلاك الوقود , فسوف يفيدك لمعرفه افضل وقت سيارتك توفر فى الوقود ومن اشهر هذه الاجهزه هو ScanGauge

10- اخيرا فى كلام ان تغييرنوع الزيت لزيت تخليقى يقلل من استهلاك البنزين لانه اكثر لزوجه ويقلل من احتكاك اجزاء الموتور وايضا ماركة الزيت من شركة يفرق فى استهلاك البنزين من شركة آخرى "موبيل , شل ...." , كذلك تغيير نوع فلتر الهواء يؤثر على استهلاك البنزين



اساليبة خطيرة :

مبادىء خطيرة ومجنونة وغير آمنه تماما ولا انصح احد بتجربتها ولكنى وضعتها للعلم فقط وليكن الموضوع شامل لكل الطرق المعروفه

1- فصل العربيه وهيا ماشيه الى ان تقف وتسمى هذه الطريقة Forced Auto Stop
2- اتباع طريقه اضغط واتزحلق Pulse & Glide ولكن يتم فصل العربيه بدلا من ازاله القدم من على البنزين .. يعنى كل شوية وانت ماشى تفصل العربيه
2-زياده ضغط الكاوتش Overinflate tires بأقصى درجة يتحملها الكاوتش وهو الرقم المكتوب على الكاوتش نفسه وليس الموصى به فى مانيوال السيارة
3- ازالة الاطار الاحتياطى والعده والمرايات الجانبيه لتخفيف الوزن
4- السير خلف المقطورات لتقليل احتكاك الهواء بالسيارة
5- المشى بثبات على الخطوط البيضاء المدهونة على الاسفلت Ride the ridge عشان يقلل من احتكاك الكاوتش بالاسفلت وخصوصا فى الاجواء الممطره


بعض الاسئلة متعلقة بنفس الموضوع


س: ما هى أكثر سيارة موفرة فى البنزين ؟
ج : تختلف السيارات بإختلاف فئتها ولكن بالنظر للسوق الامريكى سنجد ان اكثر السيارات توفيرا فى البنزين هى السيارات من شركات تويوتا وهوندا (الياريس موجوده دائما فى الصدارة كأكثر عربيه متوسطه بتستهلك فى البنزين " , وبالنظر للسوق المصرى فأعتقد ان اكثر السيارات توفيرا ستكون من تويوتا ودايهتسو وهوندا

س: عايز اعرف عربيتى المفروض تستهلك اد ايه ؟
ج : لو عربيتك بتتباع فى امريكا فممكن تدخل على هذا الموقع وسيعطيك نسبة تقريبيه لاستهلاك البنزين سيعطيك EPA التى تم ذكرها فى اول الموضوع
http://www.fueleconomy.gov/Feg/findacar.htm


س: انا عربيتى جديدة بس استهلاكها عالى للبنزين؟
ج لا تحكم على السيارة الا بعد فترة التليين او فى بعض السيارات لا يظهر الاستهلاك الحقيقى الا بعد 5 الاف كيلو

س: ازاى احسب معدل الاستهلاك للبنزين ؟
ج: فول العربيه على الاخر وصفر عداد الرحلات "او اكتب العداد عامل كام لو مفيش عداد رحلات" وامشى بالعربيه لحد ما توصل لعلامه معينه انت تحددها فى مؤشر البنزين ... اكتب انت مشيت كام كيلو .. ثم فول العربيه تانى .. شوف كام لتر تم اضافتهم وبكده عرفت كام لتر استهلكتهم ..

يعنى مثلا لو مشيت 500 كيلو ولقيت ان فولت 40 لتر مثلا يبقى اللتر معاك بيعمل 500/40=12.5كيلو
يعنى الصفيحة بتعمل 250كيلو




المصادر :

http://www.cleanmpg.com/

http://www.fueleconomy.gov

http://www.fuel-economy.co.uk

ومواقع كتيير تانيه

F3بدلا منg3 من ByD...


على لسان
CryptonX

شركة BYD
بصرف النظر عن بجاحتها المستمرة في سرقة تصميمات السيارات و مزجها و خلطها و بصرف النظر عن اسمها " الطفولي " ( BUILD YOUR DREAMS ) .

الا انها في السنوات الاخيرة اجريت بعد الصفقات التي ميزتها عن اخواتها الصينية في اشياء كثيرة , اهم تلك الصفقات هي استثمار الملياردير وارين بافيت بحوالي 250 مليون دولار في الشركة .

صفقة " تواصل و تداعم تكنولجيا البطاريات و المحركات الهجينة " مع فولكس فاجن .

صفقة امداد SAIC ( اكبر شركة سيارات صينية و اكبر مصنع سيارات في اسيا ) ببطاريات و انظمة الوقود البديل .

بالاضافة الي النجاح منقطع النظير للسيارة الF3 في الصين حيث انها في السنوات القليلة الماضية تراوحت مبيعات تلك السيارة من المركز السادس الي الرابع الي الثالث متخطية سيارات من ماركات مشهورة مثلا الكورولا و الانترا و السيفيك في بعض الاحيان .

تتوجه شركة BYD الان الى استبدال الموديل F3 او علي الاقل " تجديده " في نفس الفئة بنفس الشاسيه و لكن بشكل جديد داخلي و خارجي اكثر عصريا و اقل " سرقة " في التصميم .

و بمحركات جديدة 1500 سي سي و 1800 سي سي .








و بصرف النظر عن طابع الكورولا القديمة الي مازال موجود في الجانب و الرفارف الا ان في راي الشخصي دي شكلها افضل كتيييييييير جدا من ال F3 الحالية .

اماكن إصلاح السيارات الكرايسلر...مع ارقام التليفونات

أنا عارف يا جماعة ان كتيرمن اللي معاهم كرايسلر يعرفوا الأماكن دي، بس أنا قلت أحطهم علشان اللي مش عارف أو لسة بيستفسر عن العربية. و طبعا يا ريت اللي عايز يزود حاجة أو معلومة يتفضل علشان الافادة تعم.

=- حسن البنا (المعادي) : 0162553440
والله هو بيفهم جدا و عنده خبرة كبيرة قوي في الكرايسلر و لكن يعيبه أسعاره الغالية و انه تنك شوية
من الآخر، لو فيه مشكلة معقدة أو مشكلة كبيرة في الكهرباء، تروح له و أمرك لله.


=- سيد (المعادي) : 0120317983
هو كان بيشتغل عند حسن البنا ف عنده خبرة + أسعاره أرحم من حسن البنا.

=- محمد فابريكة (مدينة نصر) : 0105707988
ليا واحد صاحبي اتعامل معاه و هو مستريح معاه جدا، لكن أنا و من خلال تجربتي الشخصية معاه و ممكن أكون مخطئ، شايف انه غالي بشكل بشع و ما بيفهمش قوي + مش مستريحله نفسيا.

و دة رقم Service Advisor في عز العرب للي عايز يسأل عن حاجة أو عن أسعار قطع غيار:
35390601
0113707794

مهندس فى الحرفيين هو اصلا مهندس ميكانيكه عنده ورشه كامله فى الحرفيين متخصص فى الاميركى وخصوصا الكرايسلر اسمه المهندس عمرو وده يا جماعه الى هيجربه هيدعيلو لانه هيحس ان عربيته رجعت تانى زيرو وكل حاجه بيعمله هو بايدو وعنده كل الامكانيات مركز كامل من كل التخصصات ورقمه هو ده 0127898755