فكرة مبتكرة جدا لحماية سرقة السيارة

فكرة جديده ومتميزة والفكرة من ابتكارhellboy

السلام عليكم ورحمه الله وبركاته .
الفكره هي اني فكرت امنع دواسه الدبرياج من القيام بعملها بالانضغاط لاسفل عن طريق تعطيلها بعائق يتم قفله بقفل عادي .
-هنحتاج
1-ماسوره حديد (زي بتاعه الستاير) ونقصها بحيث يكون طولها هو نفس المسافه بين عمود بدال الدبرياج والدواسه.
2-عدد2 كانه حديد من عند بتوع الحدايد والمسامير
3-عدد ع صاموله رباط واسعه بحيث يعدي منها القفل
4-قفل ذو زراع طويل

....باقي الشغل هيتم عند الحداد ,اتفرجوا علي الصور لتوضيح الفكره
دي صوره الكانه الحديد قبل التركيب




طبعا لحمنا الصماويل في طرف الكانات ..


ورشيتها بالاسبراي علشان الشكل يبقي مقبول.


ودي صور الابتكار وهو راكب




....مميزاته
1- فكره بسيطه جدا ومش مكلفه (5ج حدايد +2ج لحام+10قفل=17ج فقط)
2-الفكره غير متوقعه من اللص بفرض انه لسه هيدور علي منظومه حمايه كهربيه(زرار خفي او سلك مارش او موبينه...)ومش متخيل ان نظام الحمايه ميكانيكي وليس كهربي
3-لو حاول اللص يتعامل مع القفل بعتله مثلا فمفيش اي حته يخدم او يعزم عليها طرف العتله
4-لو حاول اللص يتعامل مع القفل مباشره فمحتاج يفتح باب العربيه لنصفه علشان يخرج بظهره لبره شويه ويقدر يوطي ويتعامل معاه وطبعا ده بيعرضه للخطر.

++طبعا هي مجرد فكره ممكن تتطور في الخامات او الطريقه ,يارب تكون عجبتكم وتفيد كل الناس ودعواتكم لاخوكم .